Líkhúsið ekki lagfært að svo stöddu: „Það kostar einhverjar milljónir“

Ekki stendur til að ráð­ast í end­ur­bætur á lík­húsi Snæ­fells­bæjar.

Líkhús Snæ­fells­bæjar verður ekki lag­fært fyrr en ein­hver ein­stak­lingur tekur að sér að sinna þeirri vinnu sem á þar að fara fram en sem stendur er ekki neinn sem sér um þá vinnu. „Við viljum bara sjá að það ætli ein­hver að þjón­usta þetta. Að það sé ein­hver full­vissa fyrir því að ef við förum í ein­hverjar fram­kvæmdir á hús­inu, það kostar ein­hverjar millj­ónir. Viljum ekki að þegar við erum búin að laga það að það komi í ljós að eng­inn vilji sjá um þjón­ust­una. Þá var ekki snið­ugt að fara í fram­kvæmd­irnar,“ sagði Kristinn Jónsson, bæj­ar­stjóri Snæ­fells­bæjar, um málið í sam­tali við Vísi fyrr í dag. 

„Á Vest­fjörðum, þar sem ég er fæddur og upp­al­inn, var lík­hús í hverri ein­ustu byggð. En í dag er bara á Ísafirði. Þetta er bara breyt­ing, þetta er við­kvæmt mál og ég geri mér alveg grein fyrir því að fólk vilji hafa þjón­ust­una í nær­sam­fé­lag­inu en það verður að fara ein­hver til að þjón­usta,“ en Snæ­fells­bær á húsið og sókn­ar­nefndir sjá um rekstur þessu.