Fylla þarf í göt á lögum um fegrunaraðgerðir: „Komið upp slæm tilfelli hér“

Formaður Félags íslenskra lýta­lækna telur að það þurfi að fylla upp í laga­eyður varð­andi fegr­un­ar­með­ferðir.

Und­an­farna daga hafa fjöl­miðlar á Íslandi fjallað um fegr­un­ar­að­gerðir sem eru gerðar á land­inu af ófag­lærðu fólki. Hafa lýta­læknar og snyrti­fræð­ingar viðrað áhyggjur sínar af stöðu mála og hefur verið talað um vilta vestrið í því sam­hengi.

„Það hafa komið upp slæm til­felli hér á Íslandi þar sem fólk hefur fengið fylli­efni í slagæð þar sem að við höfum þurft að leysa upp fylli­efni með svoköll­uðu leysi­efni og vanda­málið er að þetta leysi­efni er lyf og ein­ungis læknar sem að mega skrifa það út,“ sagði Hannes Sig­ur­jóns­son, for­maður Félags íslenskra lýta­lækna, í sam­tali við RÚV um málið og læknar hafi lengi talað fyrir skýrum reglum um fegr­un­ar­að­gerðir.

„Við höfum viðrað þessar áhyggjur bæði í fjöl­miðlum og svo hefur félag húð­lækna verið með okkur í að koma þessum skila­boðum áleiðis til yfir­valda en við höfum ekki fengið nein form­leg svör um að það sé reglu­gerð, laga­breyt­ing eða laga­frum­varp í smíðum sem að verndar fólk eða setur reglur í kringum hverjir mega sprauta fylli­efnum.“