Skakki skipstjórinn biðst afsökunar: „Tek fulla ábyrgð á mistökum mínum“

Magnús Kristján Guð­munds­son, sjó­maður, biðst afsök­unar á að hafa verið undir áhrifum fíkni­efna að stýra skipi.

Fyrr í dag greindi Mannlíf frá því að Magnús Kristján Guð­munds­son, Vest­firð­ingur árs­ins 2003, hafi verið dæmdur til þriggja mán­aða fangls­is­vistar fyrir að stýra skipi undir áhrifum fíkni­efna og án rétt­inda en Magnús hefur sagt því að hann hafi reykt jónu fyrr um dag­inn. Magnús tjáði sig um málið fyrr í dag og fannst þetta vera nokkuð ósann­gjarnt og sagði meðal ann­ars: „Ég var blá­edrú þótt þetta hafi mælst í mér þarna, var kannski skakkur í 10 mín­útur þarna fyrr um dag­inn. Grasvíma stendur stutt yfir eins og flestir vita. Finnst nú hel­víti hart að dæma mann í fang­elsi fyrir þetta.“

Magnús hefur nú skipt um skoðun og hefur birt færslu á Facebook þar sem hann biðst afsök­unar á mál­inu.

„Vil nýta tæki­færið og biðj­ast afsök­unar gagn­vart fjöl­skyldu minni, vinum, sam­starfs­mönnum og öllum þeim sem ég gæti hafa skaðað með hátt­semi eða orðum mínum, sér­stak­lega í ljósi frétta sem komu í gær og í dag. Ég tek fulla ábyrgð á mis­tökum mínum og skil að þær hafa haft áhrif á þig sem les þetta. Ég vona að þið getið fyr­ir­gefið mér og gefið mér tæki­færi til að sýna betri hliðar mínar í fram­tíð­inni. Í þessu augna­bliki er ég á veiðum í fal­legu veðri í Faxaflóa og þakka fyrir allan stuðn­ing og skiln­ing sem ég hef fengið.“

Uppfært – Magnús bætti við eft­ir­far­andi athuga­semd við þessa frétt

„Hef ekki skipt um skoðun Brynjar ég var alltaf brot­legur við lög. Dómurinn er nýbirtur. Þeir fara eftir lyfja­prófi en ekki getu við að stjórna tillunni. Ég var alltaf sekur fannst fang­elsi í þrjá mán­uði bara ekki í sam­ræmi við glæp­inn. Biðst samt afsök­unar.“