Segir nauðsynlegt að vera með breitt bak: „Stundum gat þetta verið vesen“

Rapp­ar­inn Daníel Alvin er kom­inn aftur á stjá en það ætti að gleðja ansi marga því hann var um tíma einn af vin­sælstu röpp­urum lands­ins. Daníel vakti fyrst athygli þegar hann sigr­aði Rímnaflæði árið 2006 og byggði í fram­haldi upp vin­sældir með útgáfu á eigin lögum og með hljóm­sveit­inni Þriðju Hæðinni, sem hann var með­limur í. Nú er hann eldri og reynsl­unni rík­ari og gaf út plöt­una Þetta Líf í gær. Mannlíf ræddi við Daníel um plöt­una, fer­il­inn og lífið.

„Mig lang­aði fyrst og fremst að byrja gera tón­list aftur, ekki endi­lega nýja plötu,“ sagði Daníel þegar hann var spurður um hvernig nýja platan varð til. „Mig lang­aði að kom­ast aftur í gír­inn. Ég fór að vinna í lögum og áður en ég vissi af því þá var ég búinn að hlaða í sjö lög sem ég var bara nokkuð ánægður með. Svo er fátt skemmti­legra en að skapa nýja tón­list.“

En hver er Daníel Alvin í dag?

„Dags­dag­lega er ég bara að lifa venju­legu fjöl­skyldu­lífi. 9-5 vinnan og svo heim til fjöl­skyld­unnar. Ég reyni að vera eins góður maki og ég get verið og reyni að vera eins góður pabbi og ég get verið.“

Daníel er fjöl­skyldu­maður mik­ill

„Það er svo margt sem hægt er að telja upp,“ svar­aði Daníel þegar hann spurður út í hvað stendur upp úr á ferl­inum. „Öll giggin „back in the day“, þegar ég túraði í Litháen með stærstu hljóm­sveit Litháens var magnað. Svo bara allar minn­ing­arnar uppí stúdíó með strák­unum að fífl­ast og gera það sem okkur fannst skemmti­leg­ast að gera.“

Umdeildur í góðra vina hópi

„Það var ákveðið vibe,“ sagði Daníel hlægj­andi þegar hann er spurður um hvernig var að vera með­limur í Þriðju Hæðinni, en sú hljóm­sveit þótti nokkuð umdeild á sínum tíma.
„Við vorum að vinna svo­lítið með að reyna „sjokka“ eins og við gátum. Öll athygli var ein­hvern­vegin góð athygli. Auðvitað er fullt sem ég hefði vilja gera öðru­vísi. Það eru alveg ein­ver „bars“ sem ég hefði vilja sleppa eða skrifa öðru­vísi. Stundum gat þetta verið vesen en í lok dags vorum við allir bara mjög góðir vinir og höfðum gaman að þessu.“

Daníel var um tíma einn af vin­sæl­ustu röpp­urum lands­ins en sumir telja að þeir sem hafi á undan honum komið hafi aldrei sýnt Daníel næga virð­ingu. Upplifði Daníel það eða er þetta mis­skiln­ingur?

„Þegar maður er í þessu, þá þarf maður að vera með breitt bak og geta tekið því sem kemur. Mín upp­lifun var að ég fann aldrei fyrir neinni van­virð­inu frá þeim sem komu á undan. Við vorum bara „the young cats“ og það var alltaf bara gaman að vera þeir nýju í sviðs­ljós­inu. Ég tel að við höfum veitt inn­blástur og margir sem litu upp til okkar. Jelousy is just love and hate at the same time.“

Daníel er með breitt bak og segir það nauð­syn­legt

„Minn maður Krist­mundur Axel er að gera stór­kost­lega hluti, því­líkt „comeback“,“ sagði Daníel um hvaða íslensku rapp­arar væru að gera bestu hlut­ina um þessar mundir.
„Að geta tekið sér svona stóra pásu, unnið virki­lega í sér og komið svona til­baka eins og hann er að gera veitir mér inn­blástur. Gæinn er magn­aður. Herra Hnet­ur­smjör, Birnir, Daniil, þessir gæjar eru á öðru „leveli“ líka að mínu mati.“

Þroskaður pabbarappari

„Óþarfi að minn­ast á ald­ur­inn,“ sagði rapp­ar­inn hlægj­andi þegar hann spurður hvort að það sé skrýtið að vera rapp­andi á fer­tugs­aldr­inum. „Sko, platan Þetta Líf er rosa­lega mikið alvöru tal og pabb­arapp. Þetta eru bara mun þroskað­ari lög en ég var að gera fyrir tíu árum. Þetta er samt mikið „boom bap hip hop“. En svo er ég að vinna núna í enn nýrri tón­list og hún verður allt öðru­vísi en þessi plata. Hlakka mikið til að leyfa ykkur að heyra.“

En hvað tekur svo við?

„Planið er bara að halda áfram að gera tón­list, lífið er óskrifað. Hvort sem það kemur önnur plata eða bara fullt af skemmti­legum „sing­les“.“