Færðu björgunarsveitinni Súlur veglega peningagjöf

Í gær barst björg­un­ar­sveit­inni Súlur á Akureyri, veg­leg pen­inga­gjöf, 750.000 krónur, í minn­ingu fjög­urra ungra MA stúd­enta sem fór­ust í flug­slysi á Öxna­dals­heiði 29. mars árið 1958

Akureyri.net sagði frá því að minn­is­varði um fjór­menn­ing­ana hafi verið afhjúp­aður á heið­inni í sumar en fjöl­skyldur þeirra og vinir settu á stofn minn­ing­ar­sjóð. Var það gert til að standa straum af kostn­aði en mun meira safn­að­ist en til þurfti og var því ákveðið að láta afgang­inn renna til björg­un­ar­sveit­ar­innar.

Þeir sem lét­ust í slys­inu voru Bragi Egilsson, Geir Geirsson, Jóhann Möller og Ragnar Friðrik Ragnars. Höfðu þeir allir lokið stúd­ents­prófi frá Mennta­skól­anum á Akureyri ári áður og voru við nám í Háskóla Íslands. Flugu þeir norður þennan örlaga­ríka dag í fjög­urra sæta flug­vél en þeir ætl­uðu að heim­sækja góða vini og gamla skól­ann sinn, þar sem átti að halda skemmtun um kvöldið.

„Okkur, fjöl­skyldum ungu mann­anna, er það mjög kært að geta lokið verk­efn­inu með þess­ari gjöf,“ sagði Laufey Egils­dóttir, systir Braga heit­ins, þegar hún afhenti Halldóri Hall­dórs­syni, for­manni Súlna, gjöf­ina í gær í húsa­kynnum sveit­ar­innar.