Fjarðabyggð og Múlaþing ætla að fyrna óútekin orlof starfsmanna sinna – Verkalýðsfélög vara við því

Fjarða­byggð og Múlaþing hyggj­ast fyrna ótekin orlöf starfs­manna sinna þann 30. apríl næst­kom­andi.

Samkvæmt Aust­ur­frétt mun allt ótekið orlof starfs­manna Fjarða­byggðar og Múla­þings, falla niður dautt þann 30. apríl næst­kom­andi, sam­kvæmt ákvörðun sveit­ar­fé­lag­anna, nema sterkar mál­efna­legar ástæður komi til. Þetta þýðir að það starfs­fólk sem ekki hefur klárað orlof sitt fyrir 30. apríl, missir alla áunna frí­daga sem eftir standa og fær engar bætur fyrir.

Um þetta er ágrein­ingur á milli Sambands íslenskra sveit­ar­fé­laga og Alþýðu­sam­bands Íslands en áður nefnd sveit­ar­fé­lög túlka til­tekna grein í aðal­kjara­sam­ingi þannig að slík fyrn­ing sé bæði eðli­leg og leyfi­leg og vísa í orlofslög og gild­andi kjara­samn­inga. Verka­lýðs­fé­lögin eru þessu ósam­mála og vísa í sömu orlofslög, auk sér­stakrar til­skip­unar Evr­ópu­sam­bands­ins sem gilda hér á landi.

Verka­lýðs­fé­lögin, þar með talið starfs­greina­fé­lagið Afl á Aust­ur­landi, eru þeirrar skoð­unar að með þessum gjörn­ingi sé verið að fella niður áður óunnin laun en sam­kvæmt sam­komu­lagi á vinnu­mark­aði fær starfs­fólk til­setta upp­hæð greidd í laun með lof­orði um að seinna verði önnur upp­hæð greidd sem orlof­s­pen­ingar. Það lof­orð er svikið með fyrn­ingu, að mati verka­lýðs­fé­lag­anna.

Aust­ur­frétt fékk það stað­fest að Fjarða­byggð og Múlaþing ætli sér að standa fast á túlkun sveit­ar­fé­lag­anna og fyrna allt ótekið orlof, nema starfs­fólk geti gefið mark­tækar ástæður fyrir að ljúka ekki orlofstöku að fullu áður en næsta orlofsár hefst. Fram kemur hjá Aust­ur­frétt að hvorki Fljót­dals­hreppur né Vopna­fjarð­ar­hreppur hyggj­ast fyrna útistand­andi orlof sinna starfs­manna. Afl starfs­greina­fé­lag hefur varað Fjarða­byggð og Múlaþing við að félagið muni gæta hags­muna sinna félags­manna þegar og ef til fyrn­unar kemur.