Nýtt ofurvopn sem Bretar hafa þróað – gengur fyrir rafmagni, getur hæft mynt í kílómetra fjarlægð og kostnaðurinn við hvert skot er einungis brot af því sem það kostar að skjóta flugskeyti – gæti verið á leið til hinnar stríðshrjáðu Úkraínu.
Þetta kom fyrst fram á DV.
Þetta rosalega vopn sem Bretar hafa þróað – er laservopn í raun og veru: Vopnið skýtur frá sér skærum ljósgeisla er hæfir skotmarkið og stór sprenging verður.
Nafnið sem Bretar nota á vopnið er DragonFire.
Upphaflega átti vopnið ekki að vera tilbúið til notkunar fyrr en eftir tæpan áratug – árið 2032 – en innrás Rússa í Úkraínu varð þess valdandi að Bretar settu mikinn kraft í hönnun vopnsins; telja nú að það verði tilbúið 2027.
En svo getur farið að Úkraínumenn fái vopnið fljótlega, þótt það sé ekki alveg tilbúið.
Grant Shapps, varnarmálaráðherra Breta, sagði í samtali við BBC að vopnið þurfi ekki endilega að virka 100% áður en Úkraínumenn fá það. Og einnig að það sé hægt að láta þeim það í té þótt það virki aðeins 70% af því sem fyrirhugað er; Úkraínumenn taki það í notkun og reynsla þeirra í stríðinu gegn Rússum verður hluti af þróunarvinnunni við það.
Bretarnir eru kokhraustir og segja að vopnið geti hæft mynt á stærð við 1 krónu á eins kílómetra færi; það verður eigi uppiskroppa með skotfæri – og hvert skot kostar aðeins 1.800 íslenskra króna: Á meðan hvert hefðbundið flugskeyti kostar sem svarar til tuga milljóna íslenskra króna.
Eins og er er gallinn við vopnið er að það er aðeins hægt að nota það gegn sýnilegum skotmörkum – það getur eigi tekist á við skotmörk sem eru langt í burtu.
Athugasemdir