Púað var á framlag Ísrael í Eurovision á æfingu í Malmö í gær. Þúsundir mótmæla þátttöku Ísraels í keppninni og krefjast þess að Eden Golan fái ekki að stíga á svið í seinni undankeppninni í kvöld. Greta Thunberg er meðal mótmælenda.
Eden Golan varð fyrir því á æfingu í gær að á hana var púað er hún lauk lagi sínu sem keppir í seinni undankeppni Eurovision í Malmö í kvöld. Þá var meðal annars kallað „Frjáls Palestína“.
Söngkonunni hefur, samkvæmt Mail Online verið skipað að halda sér á hótel herbergi sínu, af öryggisteymi ísraelska atriðisins en þúsundir manna hefur safnast saman í Malmö til að mótmæla þátttöku Ísraela í keppninni, þar á meðal frægasta baráttukona Norðurlandanna, Greta Thunberg.
Ísraelar hófu nýverið árásir á síðustu borg Gaza-svæðisins sem herinn átti eftir að sprengja en þar eru samankomnir 1,4 milljónir Palestínumanna, sem flúið hafa sprengju og skotárásir Ísraelshers á öðrum svæðum Gaza frá því í október. Að minnsta kosti hafa rúmlega 35.000 Palestínumenn verið drepnir á Gaza og á Vesturbakkanum frá 7. október 2023, þar af að minnst kosti 14.624 börn. Sjötíu prósent af öllum sem drepin hafa verið eru konur og börn.
Hér má sjá púið frá því í gær:
Athugasemdir