Mikið ósætti meðal kennara vegna skæruverkfallanna: „Ég er að segja þér að þetta er fjarstæða“

Kennarar skipt­ast í tvær fylk­ingar vegna hinna nýju verk­falls­að­gerða sem kosið er nú um. Í öðrum hópnum eru þeir kenn­arar sem finnst þetta frá­bær leið til að knýja fram betri kjör en í hinum hópnum tala menn um sið­leysi.

Til hádegis í dag gefst kenn­urum í leik- grunn og fram­halds­skólum lands­ins að kjósa um fyr­ir­huguð skæru­verk­föll. Kenn­ara­sam­bandið hefur nú valið átta skóla á land­inu og einn tón­list­ar­skóla, þar sem kenn­arar eiga að leggja niður störf, ýmist tíma­bundið eða ótíma­bundið, þar til tekst að semja um betri kjör. Þeir kenn­arar sem Mannlíf hefur rætt við að und­an­förnu segja að fólk innan þeirra raða sé ýmist mjög hlynnt þess­ari nýstár­legu hug­mynd að kenn­ara­verk­föllum eða mjög á móti þeim og hafa jafn­vel gengið svo langt að kalla þetta sið­leysi.

Fjarstæðukenndar sögusagnir

Sögu­sagnir meðal sumra kenn­ara sem Mannlíf hefur rætt við segja að skól­arnir sem valdir voru til að fara í verk­föll, hafi verið valdir þannig að innan skól­anna séu börn full­trúa samn­inga­nefndar Samtaka sveit­ar­fé­lag­anna við nám. Þessu neit­aði Mjöll Matth­í­as­dóttir, for­maður Félags grunn­skóla­kenn­ara í sam­tali við Mannlíf á dög­unum og sagð­ist dást að hug­mynd­ar­flugi fólks.

Í sama streng tekur Þor­steinn Sæberg, for­maður Skóla­stjóra­fé­lags Íslands og með­limur í stjórn Kenn­ara­sam­bands Íslands.  „Ég held þú getir nú svarað þeirri spurn­ingu sjálfur,“ sagði Þor­steinn í sam­tali við Mannlíf og skelli­hló, aðspurður út í sögu­sagn­irnar sem sagt er frá hér að ofan. Bætti síðan við, enn hlæj­andi: „Sko, það kemur bara í ljós á morgun [í dag. inn­skot blaða­manns.] hvaða skólar þetta eru og þá koma örugg­lega fram ein­hverjar kenn­ingar“. Spurður hvort hann neiti þessu alfarið svar­aði Þor­steinn: „Get ég ekki neitað þessu? Ég er bara að segja þér að þetta er fjar­stæða“.

Aðspurður um það hvernig skól­arnir hafi verið valdið svarar Þor­steinn: „Ég get ekk­ert svarað þeirri spurn­ingu einu sinni. Það var bara, hvað á maður að segja? Það voru valdar mis­mun­andi skóla­gerðir til að spegla landið allt og ef þetta gengur ekki þá koma bara aðrir skólar og aðrir skólar. Og það eru engar djúpar pæl­ingar í því. Alls ekki,“ sagði Þor­steinn og hló.

En hvað finnst Þor­steini um sið­ferð­is­legu hlið­ina á skæru­verk­falli kenn­ara, að velja ákveð­inn hóp af börnum til að missa úr námi svar­aði hann: „Þetta svarar sér eig­in­lega sjálft. Það var ágætis umræðu­þáttur á RÚV heyrði ég, skýr­ing fræði­manns á því. Ég ætla ekk­ert að kommentera á þetta, þetta er bara sú aðferð sem við erum að fara til þess að ná árangri fyrir okkar félags­menn og fyrir börnin í land­inu fyrst og fremst. Við erum að fara í slíkar aðgerðir ekki síst fyrir börnin í land­inu.“

En ef kemur til verk­falls mun ákveð­inn hópur missa úr námi ekki satt?

„Ja, svona er bara staðan, þegar grípa þarf til aðgerða þá eru það alltaf ein­hverjir sem lenda fyrir slíku“.