Kona á sjötugsaldri, sem lést í bílslysi norðan við Akranes í desember í fyrra, var sennilega sofandi eða með skerta meðvitund áður en slysið varð, samkvæmt Rannsóknarnefnd samgönguslysa.
Á þriðja tímanum eftir hádegi fimmtudaginn 13. desember á síðasta ári, varð banaslysið á Vesturlandsvegi, stuttu frá vegamótunum við Skipanesveg norðan Akraness. Toyota Yaris var ekki yfir á vinstri vegarhelming þar sem hann lenti framan á bifreið af tegundinni Volvo S40. Toyota-bifreiðin snérist í hálfhring við áreksturinn og endaði á nyðri akreininni. Hin bifreiðin kastaðist til hliðar og út fyrir veginn. 66 ára gömul kona, ökumaður Toyota-bílsins, lést í árekstrinum en ökumaður og farþegi Volvo-bílsins slösuðust alvarlega. Allir aðilar slyssins voru í bílbeltum er áreksturinn varð.
Mesti hraði Toyota-bifreiðarinnar var 105 km/klst samkvæmt skýrslu Rannsóknarnefndar samgönguslysa en að tveimur sekúndum áður en áreksturinn varð hafi ökumaðurinn fyrst sýnt viðbrögð við aðsteðjandi hættu. Þá hafi ökumaðurinn sleppt bensíngjöfinni og stigið á bremsuna en hraði bílsins við áreksturinn var 80 km/klst. Telur Rannsóknarnefnið þrennt koma til greina varðandi slysið. Að konan hafi ekki verið með hugann við aksturinn, hún verið meðvitundarlaus eða sofnað í nokkrar sekúndur fyrir slysið.
Samkvæmt frétt RÚV gat Rannsóknarnefndin ekki lesa hraða eða hraðabreytingar úr hugbúnaði Volvo-bifreiðarinnar sökum aldurs hennar en útreikningur úr bíltækjarannsókn áætlar að bifreiðin hafi verið á 58 til 72 kl/klst þegar áreksturinn varð. Samræmist það framburði ökumanns þeirrar bifreiðar sem segist hafa hægt á sér fyrir slysið.
Þegar slysið varð voru engar rifflur á yfirborði Vesturlandsvegar, sem er malbikaður stofnvegur. Í skýrslunni kemur farm að mögulega hefði háfaði vegna rifflna og titringur komið fram í bílnum sem ók yfir á rangan vegarhelming, hefðu rifflur verið á miðjum veginum. Rifflur voru fræstar á milli akreina á vegakaflanum eftir slysið.
Athugasemdir