Undirbýr stefnu á hendur Móglí ehf. – Eigandinn skeytir ekkert um dagssektirnar

Heil­brigð­is­eft­ir­lit Aust­ur­lands (HAUST), und­ir­býr nú stefnu á hendur fyr­ir­tæk­inu Móglí ehf. á Eski­firði, vegna afar olíu­meng­aðra lóða fyr­ir­tæk­is­ins við sjáv­ar­síð­una í bænum.

Und­an­farna fjóra mán­uði hefur Móglí ehf. sætt dag­sektum vegna olíu­meng­aðra lóða við sjáv­ar­síð­una á Eski­firði en heild­ar­sektin er komin upp í tæpar 2,5 millj­ónir króna. For­ráða­maður fyr­ir­tæk­is­ins hefur hundsað ítrek­aðar kröfur um umbætur og ekki sýnt nein við­brögð við dag­sektum.

Aust­ur­frétt segir frá því að HAUST und­ir­búi nú að stefna fyr­ir­tæk­inu fyrir dómi en Lára Guð­munds­dóttir, fram­kvæmda­stjóri eft­ir­lits­ins, segir að nú sé verið að leggja drög að stefnu á hendur eig­and­anum, Stefáni Birgi Guð­finns­syni. Frá 1. nóv­em­ber hafa dag­sektir verið lagðar á fyr­ir­tækið, upp á 20 þús­und krónur dag hvern en sekt­irnar hafa haft nán­ast engin áhrif til batn­aðar.

Um er að ræða olíu­meng­aðan jarð­veg á lóð­unum að Strand­götu 59 og 61 á Eski­firði en þær standa við sjáv­ar­síð­una, sem þýðir að olíu­meng­aður jarð­veg­ur­inn geti að lokum kom­ist alla leið til sjávar ef ekk­ert verður aðhafst. Aukreitis hafa kröfur HAUST snúið að því að tveir húsa­geymar á umræddum lóðum verði fjar­lægðir og þeim fargað.