Hér er listi yfir þann búnað sem nauðsynlegur er til að fara í slíka göngu að vetrarlagi. Nú er búið að stika leiðina að gosstöðvunum og það er hægt að komast nær en áður á bíl. Samt sem áður er gönguleiðin um úfið hraun og erfitt landslag í um þrjár klukkustundir. Þeir sem leggja í slíka göngu þurfa að vera með rétta útbúnaðinn og vera í góðu líkamlegu formi. Þá er mikilvægt að fylgjast vel með veðurspá og tilkynningum frá almannavörnum.
Göngufatnaður
- Góðir gönguskór
- Ullar göngusokkar
- Ullarnærföt
- Peysa úr ull eða flís
- Göngubuxur
- Húfa og vettlingar
- Úlpa
Í bakpokann
- Öflugt höfuðljós ef farið er í myrkri eða dimmir áður en komið er til baka
- Göngustafir
- Vind- og vatnsþéttur hlífðarfatnaður
- Broddar, ef þurfa þykir
- Vatnsbrúsi
- Hitabrúsi með heitum drykk
- Neyðarskýli/álteppi og flauta
- Smurt nesti fyrir daginn
- Göngunasl svo sem þurrkaðir ávextir, súkkulaði og hnetur
- Hælsærisplástur, plástur, teygjubindi og verkjalyf
- Salernispappír, blautþurrkur og litlir plastpokar fyrir notaðan pappír ( taka með sér saur og salernispappír í poka til byggða ef fólk er að gera stykkin sín í hrauninu )
- Sími og hleðslubanki
- GPS tæki eða gps í síma
Engin bómullarföt!
Þeir sem vilja leiðsögn á gosstöðvarnar geta haft samband við Ferðafélag Íslands, sem á svör við flestu sem varðar útivist. Fjallakofinn býður upp á allt sem þarf í gönguna.
Góða og örugga ferð [🙂]
Athugasemdir