Illugi segir frá sinnuleysi gagnvart málstað Palestínu

Illugi Jök­uls­son segir frá ungri konu sem var að skemmta sér með vin­konum sínum í mið­borg Reykja­víkur í gær, þegar stuðn­ings­menn Palest­ínu gengu fylktu liði niður Lauga­veg­inn í mót­mæla­göngu gær­dags­ins.

Fjöl­miðla­mað­ur­inn Illugi er þekktur fyrir margt, meðal ann­ars fyrir örsögur sínar sem hann birtir á Facebook en fyrir síð­ustu jól gaf hann út bók með safni slíkra örsagna. Í gær sagði Illugi frá nokkru sem hann tók eftir þar sem hann gekk niður Lauga­veg­inn til stuðn­ings Palest­ínu ásamt fjölda manns.

Frá mót­mæl­unum í gær.Palest­ínu­maður hélt magn­þrungna ræðu.

Mynd: Björgvin Gunn­ars­son

„Ég segi ekki að hún hafi oltið út af vín­stof­unni við Lauga­veg­inn áðan, nei, það væri ofmælt, en hún þurfti samt að taka eitt auka­skref til að halda jafn­væg­inu þegar hún lenti á gang­stétt­inni.“ Þannig hefst frá­sögn Illuga. Segir hann mögu­legu áfeng­is­magni í blóði hennar um að kenna jafn­væg­is­leys­inu, í bland við háhæl­uðu spari­skónna:

„Sjálf­sagt voru það ekk­ert síður mjög háhæl­aðir gljá­fægðir spari­skórnir sem ollu jafn­væg­is­leys­inu heldur en mögu­legt áfeng­is­magn í æðum hennar. En hún hafði samt verið að fagna ein­hverju með vin­konum sínum tveim, þetta voru ungar konur drellifínar og hár­greiddar til höf­uðs­ins, og kátar og glaðar í bragði.“

Illugi kemur sér að lokum að meg­in­efni frá­sagnar sinnar en það er fásinna fjöl­margra gagn­vart raunum Palest­ínu­manna sem upp­lifa nú þjóða­morð sem sýnt er í beinni útsend­ingu á sam­fé­lags­miðl­unum.

„Þegar sú háhæl­aða hafði náð að rétta sig af tók hún að píra mjög augun því allt í einu veitti hún því athygli að eftir Lauga­veg­inum fór kröfu­ganga fólks með trommur, fána og gjall­ar­horn. Þetta var fólk alvar­legt í bragði og hróp­aði slag­orð til fjar­lægs hers í öðru landi að hætta að drepa börn. „Hverju er verið að mót­mæla?“ spurði sú á háhæl­uðu skónum vin­konur sínar en svo bar hún kennsl á fán­ana. „Ó,“ sagði hún stund­ar­hátt, „Palest­ínu­eitt­hvað. Oj“.“