Glúmur segir Íslendinga mjög skringilega tegund

Glúmur Bald­vins­son furðar sig á Íslend­ingum í nýrri Facebook-færslu.

Alþjóða­stjórn­mála­fræð­ing­ur­inn Glúmur Bald­vins­son skrifar spaugi­lega færslu sem slegið hefur í gegn á Facebook. Þar talar hann um furðu­leg­heit Íslend­inga og telur upp dæmi sem sýna fram á að þessi teg­und manns sé furðu­leg. Segir hann til dæmis alla vilja slá í gegn í útlöndum, gefa út met­sölu­bók og finna sér ætt­ar­nafn, svona eins og mamma hans Bryndís Schram er með.

„Það er svo merki­legt með Íslend­inga að þeir eru fáir en mjög skringi­leg teg­und. Þá dreymir stóra drauma. Til dæmis er eng­inn maður með mönnum nema að hann slái í gegn útí hinum stóra heimi. Garðars Hólm heil­kennið. Og annar hver maður þarf að gefa út met­sölu­bók. Og helst finna sér ætt­ar­nafn. Og hinn almenna Íslend­ing dreymir eng­ann venju­legan draum. No Sir! Hann og hana dreymir um að vinna Júró­visjón því það er mesta full­næg­ing hins íslenska kyns. Eitthvað sem mun aldrei ger­ast. Bjart­sýnin á sér engin tak­mörk.“

Í seinni hluta færsl­unnar talar Glúmur um bjart­sýni Íslend­inga gagn­vart sumr­inu, sem hann segir nauð­syn­lega. Að lokum sendir hann síðan furðu­lega sum­ar­kveðju, í til­efni dags­ins.

„Og svo er það þetta með sum­arið. Við þraukum vet­ur­inn dimman og þungan og kaldan í von um sumar sem aldrei kemur. Og það grill­að­asta af öllu og firrtasta er að halda að sum­arið komi í apríl. En þessi bjart­sýni er nauð­syn­leg til að lifa hér af. Og akkúrat þess vegna eigum við alla vega og þrátt fyrir allt eitt heims­met. Engin þjóð hámar í sig fleiri þung­lyndispillur per haus. Það met verður seint toppað.

Gleði­legt sumar and good fucking luck einsog Pres­ident Tomason myndi orða það!“