Í færslu sem Sirrý Svöludóttir ritar í hverfishóp Háaleitishverfi biðlar hún til hópsins að hjálpa sér að finna konu en hún birtir einnig mynd af konunni sem hún leitar að í færslunni. Hún segir konuna haft hrækt í andlit sjö ára sonar síns eftir að prik sem strákurinn var kasta lenti í öxl konunnar. Atvikið gerðist við Hvassaleitisskóla.
„Viðbrögð konunnar voru gjörsamlega úr öllu samhengi – hún tryllist, gargar á hann af mikilli reiði, hótar að hringja í foreldra hans og siga lögreglunni á hann, og skyrpir síðan beint í andlit sonar míns áður en hún gengur á brott!“ skrifar Sirrý um málið í hópnum.
„Sonur minn reynir af fremsta megni að biðjast fyrirgefningar, segir margoft af mikilli iðrun “Sorry, sorry, sorry”, en það dugði ekki til og æsti konan sig enn meira því hann notaði ekki orðið “fyrirgefðu”.
Þetta gerist allt fyrir framan fjölda barna, og voru öskrin svo mikil í konunni að kennari í Hvassaleitisskóla heyrir öskrin upp á 2.hæð skólans. Eftir sat sonur minn – titrandi af hræðslu, í algjöru losti og gjörsamlega skelkaður. Það tók okkur marga klukkutíma að ná upp úr honum hvað hafði gerst, svo mikið var áfallið.“
Sirrý segir svo að hún hafi ákveðið að birta mynd af konunni og óska eftir aðstoð við að finna hana til að eiga við hana orð. Hún segir svo að svona hegðun gagnvart barni sé ekki ásættanleg og hún vilji ræða við hana um það sem gerðist.
Hún hvetur í framhaldinu fólk að hafa samband við sig geti það hjálpað henni í leitinni að konunni.
Athugasemdir