Fyrrum þingmaður segir kynþáttahatara hafa komið saman á Austurvelli

„Afsakið, en hvað er eig­in­lega að ger­ast á Íslandi?“ spyr Rósa Björk Brynj­ólfs­dóttir, fyrr­ver­andi þing­maður Sam­fylk­ing­ar­innar og Vinstri grænna, á sam­fé­lags­miðlum í dag.

Vísar hún í mót­mæli sem haldin voru í gær á Aust­ur­velli en sam­kvæmt skipu­leggj­endum var voru þau haldin til að „mót­mæla stefnu rík­is­stjórn­ar­innar í mál­efnum hæl­is­leit­enda og opnum landa­mærum lands­ins.“

Nokkur hund­ruð ein­stak­lingar tóku þátt í mót­mæl­unum og voru margir með íslenskan fána með sér. Brynjar Bark­ar­son tón­list­ar­maður og Margrét Frið­riks­dóttir voru meðal þeirra sem héldu ræðu á Aust­ur­velli til stuðn­ings mót­mæl­unum.

„Atvinnu­leysi getir varla verið ástæðan þar sem það er í kringum 4-5 % og fólk af erlendum upp­runa er algjör­lega ómissandi til að halda uppi efna­hag lands­ins, sinna umönn­un­ar­störfum og þar með stórum hluta vel­ferð­ar­kerf­is­ins,“ heldur þing­konan fyrr­ver­andi áfram og spyr hvaða neyð­ar­á­stand ríki eig­in­lega á landa­mærum Íslands hvort ein­hver geti útskýrt það.

„Sýnist ekk­ert vera hér að baki nema óheftir kyn­þátta­for­dómar af verstu sort. Sem þarf að svara og mæta af krafti,“ skrifar hún að lokum.