Hafþór segir þjóðernissinna hafa ógnað sér á Austurvelli

Ungur maður sem mót­mælti mót­mælum þjóð­ern­is­sinna á laug­ar­dag sagði þjóð­ern­is­sinn­ana hafa verið fjand­sam­lega og hafa meðal ann­ars skyrpt í átt að sér.

Hafþór Brynjar er ungur maður sem mætti á mót­mæli gegn kyn­þátta­hatri á Ing­ólfs­torgi á laug­ar­dag­inn og fór síðan með hópi ann­arra aðgerð­ar­sinna til þess að mót­mæla mót­mælum þjóð­ern­is­sinnar sem fram fór á Aust­ur­velli á svip­uðum tíma.

Aðgerð­ar­sinnarHluti þeirra sem mót­mælti mót­mæl­unum.

Mynd: Aðsend

Stemn­ingin á Aust­ur­velli var mjög raf­mögnuð en blaða­maður Mannlífs var á vett­vangi og tók bæði ljós­myndir og mynd­skeið. Sem fyrr segir upp­lifði Hafþór Brynjar mót­mælin sem fjand­sam­leg en hann lýsti því betur í rit­uðu svari til Mannlífs:

„Ég upp­lifði mót­mælin sem frekar aggressive eða fjand­sam­leg. Fólk var að labba upp að mót­mæl­endum til að skyrpa [nærri þeim] og reyna rífa fána eða per­sónu­legar eignir af okkur. Ég heyrði líka að sumir af stærri mönn­unum væru að miða á minna fólkið sem áttu erf­ið­ara með að verja sig,“ segir Hafþór Brynjar. Þá seg­ist hann hafa heyrt hót­anir og ógn­andi setn­ingar sem beint var að þeim.

Raf­mögnuð stem­ingEldri maður skamm­ast í aðgerð­ar­sinna.

Mynd: Aðsend

„Sumar af hót­unum og setn­ingum sem ég heyrði voru „ég er dauði og mun taka þig“ „ég mun finna þig“ og „þið eigið ekki heima hérna“.“

Hafþór Brynjar sagði aukreitis að hann hafi upp­lifað þjóð­ern­is­sinn­ana sem „mjög erfitt fólk“ sem ekki hafi hlustað á rök.

Frá mót­mæl­unumTveir pólar mæt­ast.

Mynd: Aðsend

„Ég upp­lifði líka hinn hóp­inn sem mjög erfitt fólk. Þau voru að labba upp að fólki eins og mér og dreifa algjöru rugli, neit­uðu að koma með neinar stað­reyndir eða töl­fræði og þegar ég sýndi sönnun fyrir mínu máli þá neit­uðu þau að hlusta.“

Mótmælin á laug­ar­dag­innAnd-fasískir mót­mæl­endur mættu til að trufla mót­mæli þjóð­ern­is­sinna.

Mynd: Aðsend

Að lokum seg­ist Hafþór Brynjar hafa neyðst til að fara fyrr af mótæl­unum af ótta við að verða ekki eltur.

„Mér fannst líka leið­in­legt að mér og öðrum leið eins og okkur væri ógnað fyrir að deila skoð­unum, ég var varla að tjá mig um mitt mál en samt fór ég fyrr úr mót­mæl­unum svo fólk myndi ekki elta mig.“

Frá mót­mæl­unumAnd­rúms­loftið var raf­magnað.

Mynd: Aðsend

Frá Aust­ur­velliMálin rædd á nokkuð aggressí­van hátt.

Mynd: Aðsend