Prettyboitjokkó opnar sig um áföllin

Tón­list­ar­mað­ur­inn Patrik Snær Atlason, betur þekktur sem prett­yboitjokkó, hefur gengið í gegnum mikla lífs­reynslu þrátt fyrir ungan aldur. Í við­tali við RÚV rifjar hann upp tvö áföll sem höfðu djúp­stæð áhrif á hann og fjöl­skyld­una, morð á móð­ur­bróður hans og frá­fall ömmu hans skömmu síðar.

Árið 2010 skók það alla þjóð­ina þegar móð­ur­bróðir hans, Hannes Þór Helgason, var myrtur á heim­ili sínu. Að sögn Patrik hafði morðið gríð­ar­leg áhrif á fjöl­skyld­una. „ Hannes var ákveðið lím í fjöl­skyld­unni. Hann var slakur og skemmti­legi frænd­inn og gaman af líf­inu.“

Áfallinu fylgdi annað stuttu síðar. „Svo missi ég ömmu ári síðar úr krabba­meini. Hún hafði verið með brjóstakrabba­mein og lækn­ast af því en þetta áfall spækaði það upp.“ Bætir hann við að þessi áföll hafi gert fjöl­skyld­una nán­ari.

„Maður vill ekki að fólk gleymi andlitinu á honum“

Morð­málið vakti mikla athygli á sínum tíma og Patrik seg­ist í raun þakk­látur fyrir að fjöl­miðlar fjöll­uðu ítar­lega um það. „Maður vill ekki að fólk gleymi and­lit­inu á Gunnari sem myrti Hannes. Okkur finnst gott að fólk viti nákvæm­lega hver hann er og þekki hann,“ segir hann og bætir við: „Við búum í litlu sam­fé­lagi og þegar þau sjá hann í búð og hann er labbandi með kerruna, bara að vita þetta er gæinn sem myrti Hannes.“

Hann rifjar upp óvæntan fund við bana­mann frænda síns í Bónus. „Maður fékk ákveðið sjokk og mín við­brögð voru að taka upp sím­ann og blasta því á inter­netið að hann gengi laus, í Bónus úti á Granda að versla í mat­inn. Hvað þetta kerfi er gallað. Það er eng­inn dómur hér heima sem þú færð fyrir að myrða mann. Ég vildi minna fólk á að þessi gæi myrti frænda minn og er að versla í búð­inni eins og ekk­ert sé. Þetta fjöl­miðla­fár er bara jákvætt.“