James Van Der Beek opnar sig um lífið með krabbamein

Dawson’s Creek-leik­ar­inn James Van Der Beek, sem greind­ist með þriðja stigs ristil- og enda­þarmskrabba­mein í ágúst 2023, segir að hann muni lík­lega berj­ast við sjúk­dóm­inn það sem eftir er ævinnar.

„Ég er bara á þess­ari ferð,“ sagði James í við­tali við Today.com sem birt var 30. júlí. „Þetta er ferli. Það verður lík­lega ferli það sem eftir er lífs míns.“

Leik­ar­inn, sem er 48 ára, segir að lífið með krabba­meini sé eins og „fullt starf“ og að hann hafi þurft að breyta matar­æði og hreyf­ing­ar­venjum til að gæta heils­unnar.

Það mik­il­væg­asta fyrir James núna er, að hans sögn, að finna „feg­urð­ina í því að taka hlut­ina aðeins hægar, for­gangs­raða hvíld og leyfa því að vera aðal­starfið.“

Stjarnan úr Varsity Blues hvetur jafn­framt aðra til að fara í ristil­krabba­meins­skimun. Hann bendir á að þegar hann fór í sína skimun 46 ára, þá vissi hann ekki að ald­ur­inn til skimunar hefði verið lækk­aður í 45 ár.

„Ég hélt að ég væri löngu á undan,“ útskýrði hann. „Ég borð­aði eins hollt og ég gat. Ég var hraustur og í frá­bæru formi. Það var engin ástæða í mínum huga til að ég myndi fá jákvæða grein­ingu.“

James, sem á börnin Olivia (14), Joshua (13), Annabel (11), Emilia (9), Gwendolyn (7) og Jeremiah (3) með eig­in­konu sinni Kimberly Van Der Beek, segir að dag­legt líf sé að fær­ast í eðli­legt horf með því að snúa aftur fyrir framan mynda­vél­ina í vænt­an­legu Legally Blonde-þátta­röð­inni, sem nefn­ist Elle.

„Það besta við vinn­una er að krabba­meinið er ekki til á milli ‘Action’ og ‘Cut’,“ sagði hann. „Það var gaman að detta inn í þetta og njóta þess, því hóp­ur­inn er frá­bær, fram­leiðslan glæsi­leg og allir þarna eru virki­lega hæfi­leik­a­ríkir.“

Síðan hann greindi fyrst frá sjúk­dómnum í nóv­em­ber 2024 hefur James verið opin­skár um erf­ið­leik­ana sem fylgdu.

„Ég varð að horfast í augu við dauð­ann,“ skrif­aði hann á Instagram í mars. „Ég fór í með­ferð langt frá heim­il­inu og gat ekki lengur verið hjálp­legur eig­in­maður. Ég gat ekki lengur verið faðir sem tók upp börnin sín, setti þau í rúmið og var til staðar fyrir þau. Ég gat ekki verið fyr­ir­vinna fjöl­skyld­unnar því ég var ekki að vinna.“

Hann segir þó að í myrkr­inu hafi hann fundið ljós.

„Ég fór í hug­leiðslu og fékk svarið. Ég er verð­ugur kær­leika Guðs, ein­fald­lega af því að ég er til. Og ef ég er verð­ugur kær­leika Guðs, ætti ég ekki líka að vera verð­ugur eigin kær­leika? Og sama gildir um þig.“