„Þegar barn er skotið í höfuðið á eftirlitsstöð, er það líka sjálfsvörn?“

Fyrr­ver­andi fjöl­miðla­konan og almanna­teng­ill­inn Karen Kjart­ans­dóttir gagn­rýnir harð­lega fram­ferði Ísraels á Vest­ur­bakk­anum í nýrri færslu á Facebook, og beinir spurn­ingum sínum sér­stak­lega að þeim sem verja aðgerðir Ísra­els­manna í Palest­ínu.

„Ég veit að sumum ykkar er tamt að verja ofbeldi Ísra­els­manna, sama hversu stjórn­laust það er,“ skrifar hún. „Yfir­leitt með þeim rökum að Hamas séu ill sam­tök og því megi ísra­elski her­inn beita hvaða grimmd sem er, eða vegna þess að múslímar séu „vondir“ í eðli sínu. En hvernig útskýrið þið þá það sem ger­ist á Vest­ur­bakk­anum?“

Karen bendir á að þegar Ísrael sprengi sjúkra­hús eða barna­skóla á Gaza, segi sumir „með yfir­læt­is­svip hins upp­lýsta manns: „Þetta er sjálfs­vörn“.“ Hún spyr síðan:

„En þegar her­menn og land­ræn­ingjar ráð­ast á óvopn­aða Palest­ínu­menn í Jenin, Nablus eða Taybeh, hvað kallið þið það? Þegar barn er skotið í höf­uðið á eft­ir­lits­stöð, er það líka sjálfs­vörn? Þegar kirkja er brennd í kristnu þorpi, eða bóndi missir lífs­við­ur­væri sitt vegna árása land­ræn­ingja er það þá líka bar­átta gegn Hamas?“

Karen vísar í tölur sem sýna alvar­leika stöð­unnar á Vest­ur­bakk­anum.

„1.001 Palest­ínu­maður hefur verið drep­inn af ísra­elskum her eða land­ræn­ingjum á Vest­ur­bakk­anum frá 7. októ­ber 2023. Um 10.000 hafa særst. 213 börn hafa verið drepin (eitt af hverjum fimm fórn­ar­lömbum) og 7 fatl­aðir ein­stak­lingar eru meðal hinna myrtu,“ skrifar hún og bætir við að meira en þriðj­ungur fórn­ar­lamba hafi verið „skot­inn í höfuð eða efri hluta lík­am­ans, oft í árásum sem gerðar eru að næt­ur­þeli eða við eft­ir­lits­stöðvar.“

Hún bendir einnig á að „dauðs­föll 44 krist­inna Palest­ínu­manna hafa verið stað­fest frá októ­ber 2023“ og að kristnir íbúar í Taybeh, Betlehem og Ramallah hafi orðið fyrir „kerf­is­bundnum árásum land­ræn­ingja“ þar sem „hefur verið kveikt í kirkjum, heim­ilum og bílum.“

Karen vitnar í skýrslu Norwegian Refugee Council frá júlí 2024 þar sem fram kemur að á Vest­ur­bakk­anum hafi aldr­aðir og fatl­aðir verið sér­stak­lega við­kvæmir hópar þegar kemur að árásum:

„… eng­inn maður og eng­inn heim­ili eru örugg, ekki einu sinni þeir eldri, fatl­aðir, eða börn.“

Að lokum bendir hún á að Vest­ur­bakk­inn sé ekki undir stjórn Hamas heldur Palest­ínsku heima­stjórn­ar­innar, sem hafi í raun oft unnið með Ísrael í örygg­is­málum.

„Samt eru borg­arar þar karl­menn, konur og börn, drepin, hand­tekin og hrakin af landi sínu dag­lega. Þar er engin „hern­að­arógn“ sem hægt er að fela sig á bak við heldur bara her­nám, aðskiln­að­ar­stefna, land­rán og refsi­leysi við lát­lausum brotum á alþjóða­lögum,“ skrifar Karen að lokum.

Karen lætur langan lista af heim­ildum fylgja færslu sinni, máli sínu til stuðn­ings en hægt er að sjá þær hér fyrir neðan.