Ráðist á Óskarsverðlaunaleikstjóra á heimili hans

Palest­ínski leik­stjór­inn Hamdan Ballal, sem hlaut Ósk­arsverð­laun á síð­asta ári fyrir heim­ild­ar­mynd­ina No Other Land, segir í yfir­lýs­ingu að ísra­elskir land­töku­menn, studdir af yfir­völdum, hafi ráð­ist á heim­ili hans og fjöl­skyldu hans á Vest­ur­bakk­anum í gær. Fjórir fjöl­skyldu­með­limir hans hafa verið hand­teknir og einn fluttur á sjúkra­hús eftir árás­ina.

Í yfir­lýs­ingu sinni segir Ballal að sami land­töku­maður og réðst á hann skömmu eftir Ósk­arsverð­launin hafi aftur verið í far­ar­broddi árás­ar­innar:

„Í dag, tæpu ári eftir að við unnum Ósk­arsverð­launin, leiddi sami land­töku­maður og réðst á mig skömmu eftir að ég sneri heim frá Los Angeles — Shem Tov Lusky — enn eina árás­ina á heim­ili mitt og fjöl­skyldu mína.“

Ballal segir ástandið hafa versnað veru­lega á árinu sem liðið er frá því að hann hlaut Ósk­arsverð­launin, bæði fyrir sig per­sónu­lega og á Vest­ur­bakk­anum í heild:

„Ég býð öllum blaða­mönnum og stjórn­ar­er­ind­rekum að koma og heim­sækja mig og fjöl­skyldu mína næst­kom­andi þriðju­dag, 17. febr­úar, til að heyra hvernig ástandið hefur versnað á árinu sem liðið er síðan við unnum Ósk­arsverð­launin, rétt eins og það hefur gert víða um Vest­ur­bakk­ann.“

Hann greinir frá því að fyrir tveimur vikum hafi ísra­elskur dóm­stóll úrskurðað að svæðið í kringum heim­ili hans væri lokað öðrum en íbúum, en land­töku­menn virði þann úrskurð að vettugi:

„Fyrir tveimur vikum tókst okkur að fá úrskurð frá ísra­elskum dóm­stóli um að svæðið í kringum heim­ili mitt væri lokað öðrum en íbúum, en land­töku­menn brjóta þann úrskurð og koma samt með búfé sitt nán­ast á hverjum degi.“

Samkvæmt Ballal bregð­ast yfir­völd ekki við kvört­unum fjöl­skyld­unnar:

„Við hringjum á lög­regl­una, hún gerir ekk­ert. Herinn kemur, hann gerir ekk­ert.“

Hann segir að í dag hafi Shem Tov Lusky komið að heim­ili þeirra með búfé sitt. Þegar bróðir hans hringdi á lög­reglu hafi her­inn mætt fyrst og ráð­ist á fjöl­skyld­una:

„Í dag kom Shem Tov Lusky — land­töku­mað­ur­inn sem réðst á mig á heim­ili mínu skömmu eftir að ég vann Ósk­arsverð­launin í fyrra — með búfé sitt að heim­ili mínu. Bróðir minn hringdi í lög­regl­una til að til­kynna um inn­rás­ina. Herinn kom fyrst og gerði strax hús­leit á heim­ili okkar og réðst á alla sem voru inni. Síðan hand­tóku þeir tvo bræður mína, frænda minn og frændsystk­ini. Annar bróðir minn slas­að­ist alvar­lega og er nú á sjúkra­húsi.“

Ballal segir að í stað þess að bæta öryggi þeirra hafi dóms­úr­skurð­ur­inn haft þver­öfug áhrif:

„Úrskurður ísra­elska dóm­stóls­ins átti að gera lífið aðeins rólegra fyrir okkur. En hið gagn­stæða hefur gerst. Land­töku­menn hafa aukið áreitni sína og ísra­elsk yfir­völd hafa ekk­ert gert til að fram­fylgja úrskurð­inum, og í dag tóku þau þátt í árásinni ásamt land­töku­mönn­unum.“

Ballal hefur hvatt fjöl­miðla og diplómata til að heim­sækja sig og fjöl­skyldu sína til að varpa ljósi á stöð­una á Vest­ur­bakk­anum og segir atburð­ina sýna skýrt sam­spil land­töku­manna og yfir­valda gegn palest­ínskum íbúum.

Hér fyrir neðan má lesa yfir­lýs­ingu Ballal á ensku en það er leik­ar­inn og gyð­ing­ur­inn Mandy Patinkin sem deilir henni á Facebook en hann er harður and­stæð­ingur Zionista-stjórnar Ísraels.