Suður-Kórea fyrsta landið þar sem lög um gervigreind taka gildi

Suður-Kórea varð í dag fyrsta landið til að láta víð­tæk lög um gervi­greind taka gildi að fullu, þar á meðal sér­stök ákvæði sem bein­ast að svoköll­uðum „deepfake“-föls­unum.

Stjórn­völd þar hafa sagt að þau stefni að því að verða eitt af þremur leið­andi gervi­greind­ar­veldum heims, ásamt Banda­ríkj­unum og Kína.

„Grunn­lögin um gervi­greind taka gildi að fullu í dag,“ sagði for­set­inn Lee Jae Myung.

Lögin kveða á um að fyr­ir­tæki verði að til­kynna not­endum fyr­ir­fram þegar þjón­usta eða vörur nota „skap­andi“ gervi­greind.

Þau segja einnig að efni, þar á meðal deepfakes, sem ekki er auð­velt að greina frá raun­veru­leik­anum, skuli merkt á greini­legan máta ásamt öðrum kröfum.

Lögin, sem voru sam­þykkt í des­em­ber 2024, eiga að „koma á öryggis- og traust­grund­velli til að styðja við nýsköpun á sviði gervi­greindar“, að því er vís­inda- og upp­lýs­inga­tækni­ráðu­neytið sagði í yfir­lýs­ingu.

Brot á lög­unum geta varðað sektum allt að tveimur og hálfri milljón króna.

Suður-kóreskir fjöl­miðlar segja þetta vera fyrstu heild­stæðu lögin um gervi­greind í heim­inum sem taka gildi.