Finnskum manni haldið í glugga- og salernislausum kjallara áratugum saman

Um það bil 80 ára gam­all maður fannst í „slæmu lík­am­legu ástandi“ eftir að hafa búið í að minnsta kosti 20 ár í glugga­lausum kjall­ara án sal­ernis eða eld­húss, að sögn finnsku lög­regl­unnar í dag.

Tveir menn og ein kona, öll um sex­tugt, voru hand­tekin en síðar látin laus, sagði lög­reglan við AFP. Hún bætti við að hinir grun­uðu og fórn­ar­lambið þekkt­ust, en væru ekki skyld.

Lögregla hefur hafið rann­sókn til að kanna hvort ein­stak­lingar sem bjuggu í sama húsi í Helsinki hafi „framið man­sal, nýtt sér stöðu manns­ins og haldið honum við nið­ur­lægj­andi aðstæður, hugs­an­lega í fjár­hags­legum til­gangi“.

Maðurinn fannst í húsi í norð­ur­hluta finnsku höf­uð­borg­ar­innar við hús­leit lög­reglu á mánu­dag og var „í brýnni þörf fyrir aðstoð“.

Kjall­ar­inn sem hann bjó í var „glugga­laust her­bergi, án aðgangs að bað­að­stöðu, sal­erni eða mögu­leika á að útbúa mat“, að sögn lög­reglu.

„Hann hafði búið við þessar aðstæður í að minnsta kosti 20 ár,“ sagði yfir­lög­reglu­þjónn­inn Jari Korka­lainen, sem stýrir rann­sókn­inni, við AFP og kall­aði málið „óvenju­legt“.

„Eftir því sem tím­inn hefur liðið hefur heilsu við­kom­andi hrakað,“ sagði hann.

Lög­reglan sagði að mað­ur­inn væri „nú í umsjá við­eig­andi yfir­valda“.