Nýjar upplýsingar hafa komið fram um heilsufarsbaráttu leikkonunnar Catherine O’Hara, sem lést í Los Angeles 30. janúar, 71 árs að aldri, eftir skammvinna veikindi.
Samkvæmt talsmanni slökkviliðs Los Angeles var O’Hara flutt á sjúkrahús í „alvarlegu ástandi“ að morgni dauðadags hennar. Neyðarkall barst klukkan 4:48 þann 30. janúar vegna „um það bil sjötíu ára gamallar konu“ á heimili O’Hara í Los Angeles. Þegar viðbragðsaðilar komu á vettvang var hún flutt á sjúkrahús, þar sem hún lést síðar sama dag.
Umboðsskrifstofa hennar, Creative Artists Agency, staðfesti áður í yfirlýsingu að O’Hara hefði látist í Los Angeles „eftir stutt veikindi“. Ekki hafa verið gefnar upp nánari upplýsingar um veikindin né opinber dánarorsök.
Fyrir andlátið hafði O’Hara verið opin um heilsufar sitt og greint frá því að hún væri með sjaldgæfan meðfæddan kvilla, svokallaða cardiac inversus (eða dextrocardia með situs inversus), þar sem hjarta og önnur innri líffæri eru spegluð og staðsett hinum megin í líkamanum. Hún sagði að lífið með þessum kvilla hefði meðal annars mótað húmor hennar og nálgun á lífið. „Það er enginn betri lífsbjargandi eiginleiki,“ sagði hún í viðtali við Variety og bætti við að starf grínistans væri að „leita ljóssins“.
O’Hara lætur eftir sig eiginmann sinn, Bo Welch, og synina Matthew, 32 ára, og Luke, 28 ára. Eftir andlátið minntust samstarfsfólk og vinir hennar á einstaka hæfileika hennar til að fá fólk til að hlæja. Dan Levy, sem lék á móti henni í Schitt’s Creek, skrifaði á Instagram
„Hvílík gjöf að hafa fengið að dansa í hlýjum ljóma snilli Catherine O’Hara öll þessi ár. Ég mun varðveita hverja einustu fyndnu minningu sem ég á með henni.“
Þá tjáði Macaulay Culkin, sem lék ráðagóðan son O´Hara í tveimur Home Alone kvikmyndum, um andlátið á fallegan hátt. Hann skrifaði:
„Mamma. Ég hélt að við hefðum tíma.
Ég vildi meira. Ég vildi sitja í stól við hliðina á þér. Ég heyrði í þér. En ég hafði svo miklu meira að segja.
Ég elska þig.
Sjáumst seinna.“
Athugasemdir