Svara engu um trans hatur í Háskóla Íslands

Stúd­enta­ráð Háskóla Íslands sendi frá sér yfir­lýs­ingu í síð­ustu viku um mál­efni hinsegin fólks í skól­anum en mál­efni þeirra hafa verið í svið­ljós­inu á und­an­förnum árum og telja margir að um bakslag í jafn­rétt­is­bar­átt­unni sé um að ræða.

„Stúd­enta­ráð Háskóla Íslands stendur með hinsegin stúd­entum og for­dæmir alla hat­urs­orð­ræðu og hvers kyns for­dóma,“ segir í yfir­lýs­ing­unni.

„Háskóli Íslands á að vera öruggt og gott umhverfi þar sem nem­endum líður vel. SHÍ minnir á að nem­endur geta hvenær sem er haft sam­band við skrif­stofu SHÍ og Q-félag hinsegin stúd­enta,“ segir einnig í til­kynn­ing­unni og er tekið fram að for­dóma­fullt efni gegn trans fólki hafi verið í dreif­ingu innan háskól­ans.

„SHÍ for­dæmir harð­lega alla hat­urs­orð­ræðu og hvers kyns for­dóma.“

Mannlíf sendi ítrek­aðar fyr­ir­spurnir á Arent Claessen, for­seta SHÍ, og Sylvíu Mart­ins­dóttur um málið og hefur þeim fyr­ir­spurnum ekki verið svarað. Meðal þess sem spurt var um hver hafi verið að dreifa efn­inu í skól­anum og hvers konar efni var í dreif­ingu

Einnig var spurt um hvað SHÍ gerði til að tryggja öryggi og jafn­rétti trans nem­enda í skól­anum.