Flugferðir geta oft reynst krefjandi fyrir farþega, sérstaklega þegar ferðalög eru löng og aðstæður þröngar. Þrátt fyrir það leggja flugfreyjur áherslu á að kurteisi og tillitssemi skipti miklu máli um borð í flugvélum.
Hér eru fimm atriði sem farþegar eru hvattir til að forðast samkvæmt reynslu starfsfólks í flugi.
Að snerta flugfreyjur eða flugþjóna
Samkvæmt flugþjónum er aldrei viðeigandi að snerta starfsfólk flugvéla. Bendir starfsfólkið á að flugfreyjur og flugþjónar heyri yfirleitt þegar farþegar kalla á þá og því nægi einfalt ávarp, svo sem „herra“ eða „frú“, til að fá athygli þeirra. Líkamleg snerting við starfsfólk sé almennt óviðeigandi.
Að nota salerni um leið og þú kemur um borð
Flugþjónar vara við því að fara á salerni strax eftir að farþegar ganga um borð, þar sem það geti tafið brottför flugvélarinnar. Á meðan farþegar setjast í sæti sín sinna flugliðar mikilvægum verkefnum, þar á meðal öryggisathugunum og samskiptum við flugstjórn og starfsmenn á flugvellinum. Þá sé oft þægilegra að nýta salerni á flugstöð áður en gengið er um borð.
Að ryðjast fram ganginn eftir lendingu
Þegar flugvél hefur lent og komið að hliðinu telst ókurteisi að standa upp og reyna að komast fremst í röðina til að fara fyrstur út. Slík hegðun getur valdið óþægindum fyrir aðra farþega og tafið skipulega brottför úr vélinni.
Að ganga berfættur um borð
Sérfræðingar í flugþjónustu benda á að gólf í flugvélum séu sjaldnast hrein og því sé bæði óhollt og óviðeigandi að ganga berfættur. Farþegum er ráðlagt að vera í skóm og sokkum allan tímann.
Að halla sæti án tillits til annarra
Það er almennt heimilt að halla sæti, en mikilvægt er að sýna öðrum farþegum tillitssemi. Mælt er með að halla sætinu hægt og athuga hvort farþegi fyrir aftan sé með drykki eða tölvu á borði sínu. Einnig er talið kurteislegt að láta viðkomandi vita áður en sætið er hallað.
Athugasemdir