Arnar Þór Jónsson, fyrrverandi héraðsdómari og fyrrum varaþingmaður Sjálfstæðisflokksins, hefur lýst yfir þungum áhyggjum af þróun alþjóðlegra sóttvarnamála í kjölfar frétta um Hantaveiru og breytinga á sóttvarnalögum hér á landi.
Í færslu sem hann birti nýverið segir Arnar að hann óttist ekki sjálfa veiruna heldur það sem hann telur vera aukið vald yfirvalda og vaxandi áhrif Alþjóðaheilbrigðismálastofnunarinnar (WHO) á stjórnvöld einstakra ríkja.
Að mati Arnars muni nýjar reglur og lagabreytingar, bæði á Íslandi og erlendis, geta haft í för með sér auknar heimildir stjórnvalda á kostnað borgaralegra réttinda. Hann heldur því fram að þróunin muni leiða til ritskoðunar, aukins eftirlits og skerðingar á fullveldi þjóðríkja. Hann vísar þó ekki í nein gögn máli sínu til stuðnings
Þá gagnrýnir hann jafnframt breytingar á íslenskum sóttvarnalögum sem samþykkt voru á Alþingi og segir þær fela í sér víðtækar heimildir gagnvart almenningi. Hann telur mikilvægt að almenningur skoði þær breytingar í samhengi við aðgerðir stjórnvalda í heimsfaraldrinum árið 2020.
Í ummælum sínum vísar Arnar einnig til nýlegra atburða á Kanaríeyjum þar sem æfing vegna mögulegrar farsóttar hafði farið fram skömmu áður en skemmtiferðaskip með grun um smit kom þangað til hafnar. Hann bendir á að framkvæmdastjóri WHO hafi verið staddur á svæðinu á sama tíma og telur atburðarásina vekja spurningar. Aftur vísar Arnar ekki í nein gögn máli sínu til stuðnings.
Arnar hvetur almenning til að kynna sér málin vel og vera gagnrýninn á upplýsingar og ákvarðanir stjórnvalda þegar kemur að sóttvarnamálum.
Athugasemdir