Tveir menn eru í lífshættu eftir skotárás sem átti sér stað um hábjartan dag á Memorial Drive í Cambridge í Massachusetts í gær en bandarískir fjölmiðlar greina frá árásinni. Maður vopnaður árásarriffli er sagður hafa skotið allt að 60 skotum að handahófi á vegfarendur og ökutæki áður en hann var yfirbugaður.
Lögregla hefur borið kennsl á hinn grunaða sem Tyler Brown, 46 ára mann frá Boston. Samkvæmt upplýsingum frá saksóknaranum í Middlesex-sýslu, Marian Ryan, gekk Brown eftir götu og hóf skothríð af handahófi síðdegis í gær. Tvö fórnarlömb, báðir karlmenn í bifreiðum, urðu fyrir skotum og eru í lífshættu
Atvikið náðist á myndskeið sem sýnir manninn ganga eftir götunni með riffilinn á lofti á meðan skothvellir heyrast ítrekað. Vitni lýstu mikilli skelfingu þegar ökumenn yfirgáfu bíla sína og leituðu skjóls undan skothríðinni.
Samkvæmt yfirvöldum skaut lögreglumaður úr ríkislögreglu Massachusetts ásamt vopnuðum fyrrverandi landgönguliða á Brown og stöðvuðu árásina. Brown særðist og var fluttur á sjúkrahús þar sem hann er nú í haldi lögreglu. Hann hefur verið ákærður fyrir meðal annars tvær tilraunir til manndráps og vopnalagabrot.
Rannsókn málsins stendur enn yfir og yfirvöld hafa ekki upplýst um mögulegan hvata árásarinnar.
Athugasemdir