Selja einbýli með koníakstofu á þakinu

Glæsi­legt ein­býl­is­hús við Brekku­gerði 17 í Reykja­vík hefur verið sett á sölu fyrir 199 millj­ónir króna. Um er að ræða 331 fer­metra hús á tveimur hæðum, byggt árið 1964, á eft­ir­sóttum stað í póst­núm­eri 108, innst í botn­langa.

Húsið hefur vakið athygli fyrir ein­staka aðstöðu og útsýni, en á þaki þess eru bæði þaksvalir og sér­stök kon­íakstofa með óhindr­uðu útsýni til allra átta yfir höf­uð­borg­ar­svæðið. Brekku­gerðið er stað­sett nán­ast í miðju höf­uð­borg­ar­svæð­is­ins og því stutt í helstu þjón­ustu og sam­göngur.

Aðalhæð húss­ins skipt­ist meðal ann­ars í rúm­góða for­stofu með graníti á gólfi og stórum fata­skápum, setu­stofu með stórum gluggum og graníti á gólfi, auk hjóna­svítu. Þá eru svefn­her­bergi með par­k­eti á gólfum, geymslur og fata­geymsla innan húss­ins.

Á neðri hæð­inni er mögu­leiki á að útbúa auka­í­búð með sér­inn­gangi. Þar eru meðal ann­ars tví­skipt her­bergi með par­k­eti á gólfi auk ann­ars her­bergis með lausum skápum.

Eignin er á frið­sælum stað og sam­einar rúm­góðan húsa­kost, mikla mögu­leika og glæsi­legt útsýni á vin­sælum stað í Reykja­vík.