Aðstandendur Ingu Daggar Kristinsdóttur sem lést í kajakslysi í Skorradalsvatni í lok apríl, 44 ára að aldri hafa hrundið af stað söfnun fyrir fjölskylduna. Hún skilur eftir sig eiginmann, Véstein Valgarðsson, og tvo unga syni, Hauk tveggja ára og Björn fjögurra ára.
„Skyndilegt fráfall Ingu Daggar er mikið högg fyrir Véstein og drengina þeirra og kallar á miklar breytingar á högum þeirra. Því vilja nánir vinir óska eftir stuðningi velunnara við fjölskylduna, því stuðningur núna getur skipt miklu fyrir framtíð drengjanna.“
Vésteinn minnist hennar og síðasta dags þeirra með einlægum hætti og segir að þau hafi þennan örlagaríka dag átt góðan dag og rætt áætlanir sínar fyrir framtíðina. Inga, sem hafi elskað að sigla á kajak, hafi síðan seinni partinn lagt af stað í fyrstu ferð sumarsins og sína hinstu för.
Inga var frá Skarði á Skarðsströnd. Hún var tannsmiður að mennt en vann lengst af við umönnun fatlaðra. Í tilkynningunni segir ennfremur að „hún hafi verið mikill náttúruunnandi, bæði á sjó og landi, og eyjar Breiðafjarðar voru hennar paradís. Síðustu árin bjó hún á Hvanneyri í Borgarfirði þar sem Vésteinn eiginmaður hennar nam búfræði en fram undan hjá þeim hjónum var að hefja búskap.“
Þeim sem vilja leggja þeim lið er bent á reikning nr. 1110-05-402788, sem Vésteinn er skráður fyrir, kt. 121180-3169.
Athugasemdir