Glæsilegt og bjart einbýlishús við Súluhöfða 13 í Mosfellsbæ, en sumir kalla hann Pizzabæ, hefur verið sett á sölu fyrir 177,5 milljónir króna. Húsið stendur á eftirsóttum stað rétt við golfvöllinn og býður upp á rúmgott fjölskylduhúsnæði á einni hæð ásamt innbyggðum bílskúr.
Eignin er samtals 224,8 fermetrar að stærð, þar af er íbúðarhlutinn 166,5 fermetrar og bílskúrinn 58,3 fermetrar. Húsið var byggt árið 2002 og hefur gólfhitakerfi um alla eignina.
Í húsinu eru þrjú svefnherbergi, þar á meðal rúmgott hjónaherbergi með fataherbergi. Þá eru baðherbergi, þvottaaðstaða, forstofa, eldhús, stofa og borðstofa hluti af skipulagi eignarinnar. Stórir gluggar og opið rými gefa húsinu bjart yfirbragð.
Utandyra eru stórar timburverandir sem skapa skjólgott útisvæði. Á veröndinni er heitur pottur og við húsið er stórt steypt bílaplan sem býður upp á gott pláss fyrir bílaeigendur og gesti.
Bílskúrinn er sérlega rúmgóður með flísalögðu gólfi og rafdrifnum hurðaropnara. Þar er auk þess rennandi vatn, hiti og rafmagn, auk þess sem salerni hefur verið komið fyrir innst í bílskúrnum.
Staðsetning eignarinnar þykir afar góð, en stutt er í golfvöllinn, Lágafellsskóla, leikskólann Hulduberg, Lágafellslaug og líkamsræktarstöðina World Class. Hentar eignin því vel fjölskyldum sem vilja búa á rólegum og vinsælum stað í Mosfellsbæ með góða þjónustu í næsta nágrenni.
Athugasemdir