Hafliði Breiðfjörð, ljósmyndari og stofnandi og fyrrum framkvæmdastjóri Fótbolta.net, hefur sett til sölu tveggja herbergja íbúð með bílskúr við Foldahverfi í Grafarvogi.
Um er að ræða bjarta og vel skipulagða íbúð á þriðju hæð í litlu fjölbýlishúsi sem reist var árið 1987. Ásett verð eignarinnar er 64,9 milljónir króna.
Samkvæmt skráningu Þjóðskrár Íslands er eignin alls 77,3 fermetrar að stærð. Þar af er íbúðin sjálf ásamt geymslu og 17,7 fermetra bílskúr. Geymsla í sameign er 3,4 fermetrar.
Íbúðin skiptist í stofu, eldhús, svefnherbergi, baðherbergi og geymslu. Fyrir aftan húsið er opið útivistarsvæði með leiktækjum sem nýtist vel fjölskyldum.
Í sölulýsingu er lögð áhersla á góða staðsetningu eignarinnar í Foldahverfi. Þaðan er stutt í helstu þjónustu, þar á meðal leikskóla, grunnskóla og Egilshöll, auk þess sem góðar samgöngur eru á svæðinu.
Foldahverfið hefur verið vinsælt meðal fjölskyldna um árabil vegna rólegs umhverfis, nálægðar við skóla og fjölbreyttra útivistarmöguleika. Eignir á svæðinu hafa verið eftirsóttar á fasteignamarkaði undanfarin misseri.
Athugasemdir