Umboðsmaður Alþingis óskar eftir skýringum frá Reykjavíkurborg

Umboðs­maður Alþingis hefur óskað eftir skýr­ingum frá Reykja­vík­ur­borg vegna álagn­ingar svo­nefnds auka­stöðu­gjalds á bif­reiðar sem lagt hefur verið í gjald­skyld bíla­stæði þrátt fyrir að sýni­legt stæð­iskort fyrir hreyfi­haml­aða hafi verið í bif­reið­inni.

Í erindi umboðs­manns til borg­ar­innar kemur fram að nýlega hafi borist ábend­ingar vegna máls­ins. Samkvæmt þeim hafi fram­kvæmd borg­ar­innar breyst eftir að tekin var í notkun sér­stök eft­ir­lits­bif­reið með mynda­vélum sem greina skrán­ing­ar­merki bif­reiða og bera þau saman við upp­lýs­ingar um greiðslur fyrir bíla­stæði.

Umboðs­maður bendir á að sam­kvæmt umferð­ar­lögum sé hand­hafa stæð­iskorts fyrir hreyfi­haml­aða heim­ilt að leggja öku­tæki í gjald­skylt bif­reiða­stæði án sér­stakrar greiðslu, að upp­fylltum skil­yrðum lag­anna. Meðal ann­ars þarf stæð­iskortið að vera sýni­legt í bif­reið­inni.

Óskar umboðs­maður eftir upp­lýs­ingum um hvernig Reykja­vík­ur­borg fari með mál þar sem stæð­iskort er sýni­legt en eft­ir­lit fer fram með umræddri eft­ir­lits­bif­reið.

Sé auka­stöðu­gjald lagt á án þess að kannað sé hvort und­an­þága frá greiðslu­skyldu eigi við óskar umboðs­maður jafn­framt eftir afstöðu borg­ar­innar til þess hvort málið hafi verið rann­sakað með full­nægj­andi hætti áður en ákvörðun um gjaldið er tekin.

Reykja­vík­ur­borg hefur verið veittur frestur til 15. sept­em­ber til að svara erindi umboðs­manns.