Ásgeir Erlendsson, upplýsingafulltrúi Landhelgisgæslunnar, gerði sér lítið fyrir og bætti við sig meistaragráðu í lögfræði.

Þetta gerði hann á sama tíma og hann sinnti starfi sínu af dugnaði. Sara Rakel Hinriksdóttir, maki Ásgeirs, greindi frá þessu á samfélagsmiðlum.

„Ég er ein stolt kona. Það vita það ekki allir en Ásgeir ákvað að næla sér í meistaragráðu í lögfræði meðfram vinnunni. Skemmst frá því að segja að hann rúllaði náminu upp með glæsibrag og því var fagnað í rjómablíðu í janúar,“ skrifaði Sara um Ásgeir.

Ásgeir hefur starfað sem upplýsingafulltrúi Landhelgisgæslunnar síðan 2018 en fram að því hafði hann unnið sem fréttamaður á RÚV og Stöð 2 frá árinu 2004.

Ásgeir stýrði einmitt þáttum á Stöð 2 sem fjölluðu um Landhelgisgæsluna.