Tveir lögreglumenn á Lanzarote hafa hlotið lof fyrir skjót og fagleg viðbrögð eftir að hafa bjargað lífi 20 daga gamals barns sem fór í hjartastopp í sveitarfélaginu Tinajo síðastu helgi.

Foreldrar barnsins leituðu fyrst á heilsugæslustöð á svæðinu, en fundu hana lokaða. Í framhaldinu héldu þau tafarlaust á nærliggjandi lögreglustöð þar sem lögreglumenn brugðust skjótt við og hófu endurlífgun.

Lögreglumennirnir sinntu lífsbjargandi aðgerðum í um tíu mínútur þar til sjúkraflutningamenn komu á vettvang. Starfsmenn neyðarþjónustu Kanaríeyja héldu þá áfram endurlífgun í um 20 mínútur til viðbótar. Samtals fékk barnið því um 30 mínútna samfellda endurlífgun, sem talið er hafa skipt sköpum fyrir líf þess.

Í kjölfarið var barnið flutt á sjúkrahús. Samkvæmt upplýsingum yfirvalda er gert ráð fyrir að barnið nái fullum bata.

Yfirvöld hafa sérstaklega hrósað lögreglumönnunum fyrir skjót viðbrögð og fagmennsku við afar erfiðar aðstæður.