71 árs karlmaður lést eftir að hafa rekist á hund á reiðhjóli í Central Park í New York á mánudagsmorgun. Hundurinn var án taums þegar slysið varð.
Samkvæmt upplýsingum heimildarmanns TMZ innan lögreglunnar í New York barst tilkynning um slysið skömmu eftir klukkan átta um morguninn.
Maðurinn var með reiðhjólahjálm en féll til jarðar við áreksturinn. Sjúkraflutningamenn fluttu hann á sjúkrahús, þar sem hann var úrskurðaður látinn.
Hundurinn slasaðist ekki. Eigandi hans varð eftir á vettvangi og samkvæmt heimildum FOX 5 NY reyndi hann að endurlífga hjólreiðamanninn.
Samkvæmt reglum Central Park Conservancy mega hundar vera lausir í garðinum frá klukkan sex til níu á morgnana. Á akvegum garðsins skulu þeir þó ávallt vera í taumi.
Heimildarmaður TMZ innan lögreglunnar segir að eiganda hundsins hafi ekki verið gert að greiða sekt vegna atviksins að svo stöddu. Rannsókn málsins stendur yfir.
