Einn lést og sjö slösuðust þegar rafmagnsstrætó keyrði út af og inn í matvöruverslun í Salzburg í Austurríki á mánudag, að því er Rauði krossinn greindi frá.

„Einn lést þrátt fyrir endurlífgunartilraunir,“ sagði talskona Rauða krossins í samtali við AFP-fréttastofuna.

Slasaðir voru fluttir á sjúkrahús, þar af tveir alvarlega slasaðir, en umfangsmikið viðbragð neyðarþjónustu var sett af stað á vettvangi slyssins.

Yfirvöld hafa enn ekki veitt nánari upplýsingar um tildrög slyssins, sem varð á gatnamótum í norðurhluta Salzburg, né um þann sem lést.