Eiríkur Rögnvaldsson, prófessor emeritus, lýsir því yfir í opinberri færslu að forsendubrestur sé orðinn á kjarasamningnum sem Halldór Benjamín Þorbergsson gerði á sínum tíma fyrir hönd Samtök atvinnulífsins. Eiríkur birti færsluna í kjölfar útifundar samtakanna Áfram Ísland á Austurvelli, þar sem Halldór Benjamín steig á svið eftir að hafa kynnt milljarðahagnað hjá fasteignafélaginu Heima hf., þar sem hann starfar nú sem forstjóri.
Eiríkur hjólar í Halldór Benjamín
Í færslu sinni bendir Eiríkur á samhengið á milli afkomu fasteignafélagsins, nýrra verðbólgutalna og fyrri starfa Halldórs Benjamíns.
„Halldór var nýkominn af árshlutafundi fasteignafélagsins Heima hf, þar sem hann er forstjóri. Hann hafði klukkustund áður kynnt hluthöfum að hagnaður fyrri helming ársins hefði verið 4,6 milljarðar króna. Þeir náðu að hækka leigutekjurnar um rúmlega þrjú prósent umfram verðbólguna og hagnaðinn um 3,5 milljarða,“ skrifar Eiríkur.
Úr jakkafötunum í gallaefnið
Sama dag og fundurinn fór fram birti Hagstofa Íslands nýjar tölur um vísitölu neysluverðs, sem sýndu 0,2 prósenta hækkun. Eiríkur bendir á að sú hækkun hafi aðallega verið drifin áfram af „reiknaðri húsaleigu“.
„Þá varð endanlega ljóst að forsendurbrestur var í kjarasamningnum, sem Halldór Benjamín hafði samið um fyrir hönd atvinnurekenda í sínu fyrra starfi sem framkvæmdastjóri Samtaka atvinnulífsins,“ segir Eiríkur og vísar til þess að hækkun húsnæðis- og leigukostnaðar vegi nú gegn þeim markmiðum sem stefnt var að í samningunum.
Eiríkur lýkur færslunni á því að lýsa hlutverki Halldórs Benjamíns á útifundinum á Austurvelli, sem haldinn var á vegum samtaka sem berjast gegn aðildarviðræðum við Evrópusambandið.
„Síðar fór Halldór úr jakkafötunum og birtist í gallaefni á fundum Áfram Ísland, samtökin gegn aðildarviðræðum við Evrópusambandið sem héldu útifundinn á Austurvelli.“
