Finnski ferðaáhrifavaldurinn Ali Leiniö er látinn, 49 ára að aldri, eftir að hafa fengið banvænt krampakast á göngu í óbyggðum Lapplands í Finnlandi. Þetta kemur fram í umfjöllun dagblaðsins Helsingin Sanomat.

Leiniö fannst látinn í Käsivarre-óbyggðasvæðinu fyrr í mánuðinum, en talið er að hann hafi verið einn á ferð þegar atvikið átti sér stað. Líkamsleifar hans voru fluttar af vettvangi þann 10. apríl, rúmri viku eftir að hann birti sitt síðasta myndband á YouTube.

Leiniö naut talsverðra vinsælda á netinu og fylgdust nær 88 þúsund áskrifendur með efni hans, sem að mestu snerist um gönguferðir og útivist í finnskri náttúru. Síðasta myndband hans, sem ber titilinn „The Forbidden Mire: Roaming Southern Finland's 2nd Largest Bog“, hefur þegar verið horft á yfir 143 þúsund sinnum.

Óljóst er hvort Leiniö hafi verið að taka upp efni fyrir rás sína þegar hann lést.

Rannsókn á tildrögum andlátsins er lokið og er ekki talið að saknæm háttsemi hafi átt sér stað.