Teitur Björn Einarsson, fyrrum þingmaður Sjálfstæðisflokksins, hefur virkjað málflutningsréttindi sín.

Greint er frá þessu í Lögbirtingablaðinu en það er Sýslumaðurinn á Norðurlandi eystra sem afhenti Teiti réttindin.

Teitur sat fyrir hönd Sjálfstæðisflokksins á Alþingi í tvígang. Fyrst frá 2016 til 2017 og svo 2023 til 2024. Hann lauk lögfræðiprófi frá Háskóla Íslands árið 2006.

Hann hefur meðal annars starfað á LOGOS og Íslensku lögfræðistofunni en hann var formaður Orators, félags laganema við HÍ, á sínum tíma.

Stutt er síðan Teitur Björn stofnaði fyrirtækið ÍS-261 slf.