Ríkissjónvarpið í Slóvenía hefur ákveðið að senda ekki út Eurovision-söngkeppnina í ár í mótmælaskyni við þátttöku Ísrael í keppninni. Í staðinn verður sýnd sérstök kvikmyndasería um Palestínu.

Framkvæmdastjóri ríkisútvarps Slóveníu, Ksenija Horvat, staðfesti ákvörðunina og sagði:

„Við munum ekki sýna Eurovision. Við munum í staðinn sýna kvikmyndaseríuna Voices of Palestine, með palestínskum heimildamyndum og kvikmyndum.“

Mótmæli vegna hryllingsins á Gaza

Ákvörðunin er bein viðbrögð við því að Samband evrópskra sjónvarpsstöðva leyfði Ísrael að taka þátt þrátt fyrir gagnrýni á hernaðaraðgerðir landsins á Gaza.

Forsætisráðherra Slóveníu, Robert Golob, hefur verið gagnrýninn á Ísrael og stjórnvöld í landinu hafa áður gripið til aðgerða, meðal annars með því að banna innflutning á vörum frá landnemabyggðum á Vesturbakkanum.

Spánn og Írland hafa einnig ákveðið að senda ekki keppnina út, en Slóvenía gengur skrefi lengra með því að skipta útsendingunni út fyrir efni tengt Palestínu.

Á sama tíma hafa Holland og Ísland dregið sig úr keppni, þó útsending verði áfram á þeirra sjónvarpsstöðvum.

Eurovision undir þrýstingi

Keppnin, sem fer fram í Vín dagana 12.–16. maí og markar 70 ára afmæli sitt, hefur ítrekað lent í pólitískum deilum þrátt fyrir slagorðið „Sameinuð í tónlist“.

Þjóðarmorðið á Gaza hefur haft veruleg áhrif á viðburðinn, með mótmælum, gagnrýni og nú einnig ákvörðunum ríkisútvarpa um að sniðganga útsendingu.