Þrír hermenn létust og einn slasaðist þegar sprenging varð í skriðdreka á heræfingu í Japan á þriðjudag, að sögn forsætisráðherrans Sanae Takaichi.

Atvikið átti sér stað á æfingasvæði japönsku sjálfsvarnarliðsins í Oita-héraði í suðvesturhluta landsins. Samkvæmt fyrstu upplýsingum varð bilun í skotfærum skriðdrekans sem sprungu inni í farartækinu með þeim afleiðingum að þrír áhafnarmeðlimir létust á vettvangi.

Rannsókn stendur nú yfir til að leiða í ljós nákvæmar orsakir slyssins.

Í yfirlýsingu lýsti forsætisráðherrann djúpri sorg yfir atvikinu og vottaði aðstandendum hinna látnu samúð. „Þetta er afar sorglegt atvik,“ sagði hún og bætti við að hugur hennar væri hjá fjölskyldum fórnarlambanna.