Oliver Sigurjónsson, landsliðsmaður í knattspyrnu og Íslandsmeistari, hefur ákveðið að setja krúttlega íbúð sína í Kópavogi til sölu en hann býr þar með fjölskyldu sinni.
Oliver hefur um nokkurt skeið verið einn af bestu leikmönnum Bestu deildarinnar í knattspyrnu og hefur hingað til spilað tvo landsleiki fyrir hönd Íslands en hann hefur leikið yfir 150 leiki í efstu deild karla á Íslandi.
Þá vill svo skemmtilega til að Guðmundur Júlíusson, fyrrverandi leikmaður Fjölnis og HK, er fasteignasali Olivers.
Um er að ræða bjarta og vel skipulagða íbúð á 3. hæð í sex íbúða fjölbýli. Eignin skiptist í anddyri, gang, stofu/borðstofu, eldhús, þvottahús, tvö svefnherbergi og baðherbergi ásamt geymslu í kjallara. Sérmerkt bílastæði við inngang fylgir eigninni.
Íbúðin er 83,9 m² að stærð og er sett á hana 69.900.000 króna.
