Viðbragðsaðilar voru kallaðir út eftir að tilkynning barst um flugslys sunnan Mýrdalsjökuls um klukkan 11 í dag.

Samkvæmt upplýsingum frá lögreglunni á Suðurlandi lenti maður á svifvæng í vandræðum og varð viðskila við samferðafólk sitt. Þyrla Landhelgisgæslunnar og björgunarsveitir voru sendar á vettvang til leitar- og björgunaraðgerða.

Maðurinn fannst og var hífður um borð í þyrlu Landhelgisgæslunnar.

Tildrög atviksins eru nú til rannsóknar en lögregla segir ekki unnt að veita frekari upplýsingar að svo stöddu.