Abdul Ballout, 21 árs Þjóðverji sem nýlega var sakfelldur fyrir undirbúning hryðjuverks, var látinn laus úr haldi þrátt fyrir að hafa áður reynt að ganga til liðs við hryðjuverkasamtökin ISIS.

Hann átti að mæta í svokallað „af-róttæknivæðingarviðtal“ í dag þar sem sérfræðingur átti að meta stöðu hans.

„Ég er orðlaus,“ sagði Kai Wegner, borgarstjóri Berlínar.

Nákvæmlega ári fyrir hryðjuverkaárásina á laugardag, 24. júlí 2025, var Ballout handtekinn í Líbanon. Samkvæmt rannsókn hafði hann komist í samband við nokkra liðsmenn ISIS og var á leið til Sýrlands í þeim tilgangi að ganga til liðs við samtökin.

Hann afplánaði þriggja mánaða fangelsisdóm í Líbanon áður en hann var framseldur til Þýskalands, þar sem hann var vistaður í gæsluvarðhaldi á unglingadeild þar til dómur féll.

Þann 12. maí á þessu ári var hann sakfelldur fyrir undirbúning hryðjuverks í Þýskalandi.

Dómstóll í Tiergarten taldi sannað að Ballout hefði undirbúið „alvarlegt ofbeldisverk sem ógnaði öryggi ríkisins“. Meðal sönnunargagna voru ferð hans í átt að Sýrlandi og færslur á Instagram þar sem hann dreifði áróðri ISIS.

Ballout hafði einnig áður hlotið dóma fyrir rán, alvarlega líkamsárás og fjárkúgun.

Hann var dæmdur í eins árs og tíu mánaða fangelsi en var í kjölfarið látinn laus.