Lögregla er með fjölmennt og vopnað lið að störfum í Gjettum í Bærum í Noregi. Drónar eru einnig á lofti yfir svæðinu, að sögn fréttamanns NRK á vettvangi.

„Við gerum ráð fyrir því að hinn grunaði sé með skotvopn í fórum sínum,“ segir Alexander Østerhaug, aðgerðastjóri lögreglu, í samtali við TV 2.

Nokkrir bílar og rútur hafa reynt að aka fram hjá vettvanginum en veginum hefur verið lokað.

Telst ekki hættulegur öðrum

Að sögn lögreglu stafar öðrum ekki hætta af viðkomandi einstaklingi. Engu að síður hefur verið ákveðið að rýma nærliggjandi hús.

Lögreglan biður fólk jafnframt um að virða lokanir og fylgja fyrirmælum lögreglumanna á vettvangi.

Hinn grunaði er lögreglu þegar kunnur.

Fréttin verður uppfærð.