Tugum starfsmanna Reykjavíkurborgar verður sagt upp störfum vegna meintra hagræðingaraðgerða sem borgaryfirvöld undirbúa. RÚV greindi fyrst frá málinu í dag.

Samkvæmt heimildum RÚV ná uppsagnirnar til allra sviða borgarinnar að undanskildum skóla- og velferðarsviðum.

Borgarstjórn kom saman á lokuðum fundi í morgun þar sem aðgerðirnar voru til umræðu. Fundinum lauk skömmu eftir klukkan tíu en borgarfulltrúar hafa lítið viljað segja um efni hans þar sem það er trúnaðarmál.

„Við getum ekkert tjáð okkur núna,“ sagði Hildur Björnsdóttir borgarstjóri við RÚV og boðaði frekari upplýsingar síðar í dag.