Hörður hneykslast á Sigríði Dögg: „Hvaða skítamórall er í gangi hjá stjórnendum míns gamla félags?“

Hörður Krist­jáns­son, fyrr­ver­andi rit­stjóri Bænda­blaðs­ins skýtur bylm­ings­fast á stjórn­endur Blaða­manna­fé­lags­ins í nýrri Facebook-færslu.

„Hvaða skíta­mórall er í gangi hjá stjórn­endum míns gamla félags? Mátti félagið virki­lega ekki bjóða félags­mönnum, jafnt starf­andi sem fyrr­ver­andi blaða­mönnum sem komu í heim­sókn á skrif­stof­una, upp á kaffi?“ Þannig byrjar Facebook-færsla Harðar Krist­jáns­sonar en nýlega birt­ust fréttir af meintri óráðsíu fyrr­ver­andi fram­kvæmd­ar­stjóra BÍ, Hjálmars Jóns­sonar, í rekstri félags­ins. Hjálmar hefur neitað stað­fast­lega fyrir ásak­anir for­manns­ins, Sigríðar Daggar Auð­uns­sonar og nýkos­innar stjórnar Blaða­manna­fé­lags­ins.

Hörður hélt áfram:

„Ætlar félagið kannski að fara að senda þessum félags­mönnum sínum reikn­ing fyrir kaffi­sop­anum, svo ég tali nú ekki um ef þeim hefur orðið það á að narta í vín­ar­brauð í leið­inni? Margir úr þessum hópi eru reyndar látnir og má þá búast við að aðstand­endur fái reikn­ing­inn?“

Að lokum játar rit­stjór­inn fyrr­ver­andi að hafa þegið kaffi á skrif­stofu BÍ.

„Ég játa að ég þáði kaffi á skrif­stof­unni fyrir margt löngu ásamt fleiri félögum þegar fjöl­mið­ill sem ég starf­aði á hafði farið á haus­inn. Þá þótti gott að for­maður og félagið styddi félag­ana and­lega með því að bjóða þar upp á létt spjall yfir kaffi­bolla. Má ég þá kannski búast við reikn­ingi fyrir kaffið frá núver­andi for­manni?“