Telur yfirsjón að leyfa viðtal við Katrínu á Bessastöðum: „Það þarf að passa svona atriði“

Helga Vala Helga­dóttir telur að stjórn­ar­flokk­arnir séu nú þegar búnir að ná sam­komu­lagi um fram­hald rík­is­stjórn­ar­innar. Þá telur hún mis­tök að leyfa við­tal við Katrínu Jak­obs­dóttur á Bessa­stöðum.

Katrín Jak­obs­dóttir hefur beðist lausnar en hún hitti for­seta Íslands, Guðna Th. Jóhann­es­son á Bessa­stöðum í dag. Hún ætlar þó að gegna emb­ætti for­sæt­is­ráð­herra þar til búið er að ákveða arf­taka hennar í stólnum. Helga Vala Helga­dóttir, lög­maður og fyrr­ver­andi þing­kona Sam­fylk­ing­ar­innar, skrif­aði færslu á Facebook þar sem hún kemur með sýna túlkun á því sem fram fór og fram kom á Bessa­stöðum í dag.

Hér má lesa vanga­veltur Helgu Völu:

„Minn túkall:

1. Stjórn­ar­flokk­arnir búnir að ná sam­komu­lagi. Þetta klár­ast á næsta sól­ar­hring. Mögulega í dag – nákvæm­lega 8 árum eftir að Sigurður Ingi tók óvænt við emb­ætti for­sæt­is­ráð­herra í kjöl­far Panama­skjala­upp­ljóstr­unar.2. Guðni kann sitt fag, svar­aði upp á tíu ítrek­uðum fyr­ir­spurnum fjöl­miðla um sama hlut­inn.3. Yfirsjón (ekki stærsta málið): Að leyfa Katrínu að vera í við­tali á Bessa­stöðum. Hún er komin í fram­boð og það hefði verið smart að taka smá pásu á milli fyrir KJ að fara annað í við­tal. Það er alveg eðli­legt að hún sé í fréttum því hún er jú frá­far­andi og starf­andi for­sæt­is­ráð­herra og það í sjálfu sér er frétt, en það þarf að passa svona atriði. Bessa­staðir eru ekki hennar heima­völlur þótt hana langi þangað.“