Í tilkynningu frá Lögreglunni á Suðurlandi segir að andlát manns sem lést snemma í morgun sé hafin en áverkar fundust á hinum látna.
Rannsókn málsins er á frumstigum samkvæmt lögreglunni en málið er rannsakað sem manndráp og hafa fimm aðilar verið handteknir og eru í haldi vegna rannsóknarinnar.
Lögreglan á höfuðborgarsvæðinu hefur aðstoðað lögregluna á Suðurlandi, auk lögreglunnar á Suðurnesjum og Vesturlandi, embættis héraðssaksóknara og sérsveitar ríkislögreglunnar.
Hér má sjá tilkynninguna í heild sinni:
„Lögreglan á Suðurlandi hefur til rannsóknar andlát karlmanns sem lést snemma í morgun. Áverkar á hinum látna benda til að andlátið hafi borið að með saknæmum hætti.
Rannsókn málsins er á frumstigum og er málið rannsakað sem manndráp. Fimm aðilar eru í haldi lögreglu í tengslum við rannsóknina.
Lögreglan á Suðurlandi fer með rannsókn málsins og hefur notið aðstoðar lögreglunnar á Höfuðborgarsvæðinu, Suðurnesjum og Vesturlandi auk embættis héraðssaksóknara og sérsveitar ríkislögreglustjóra.
Vegna rannsóknarhagsmuna er að svo stöddu ekki unnt að veita nánari upplýsingar um málið.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir